«Մխիթար Սեբաստացի» կրթահամալիրի (այսուհետ՝ կրթահամալիր) «Գործատու» բաժինը (այսուհետ՝ բաժին) ծառայություն է, որն ունի իր էջը կրթահամալիրի կայքում։
Բաժինը՝
- որպես վճարովի կրթական ծառայություն՝ կազմակերպում է քաղաքացիների հեղինակային կրթական ծրագրով վերապատրաստումը.
- վերապատրաստված քաղաքացիների համար պատրաստում է վկայագրեր, գրանցում է կրթահամալիրում աշխատանքի համար դիմածների (այսուհետ՝ թեկնածու) մասին թերթիկը.
- թեկնածուի համար կազմակերպում է երկու շաբաթից մինչև մեկ ամիս տևողությամբ կամավորական աշխատանք՝ կրթահամալիրի մասնաճյուղերում.
- վերապատրաստման և կամավորական աշխատանքի արդյունքներով թեկնածուին գրանցում է կրթահամալիր կադրերի բանկում, վարում է «Կադրերի բանկ» փաստաթուղթը, վարում է կրթահամալիրի կայքի «Գործատու» բաժինը.
- կրթահամալիրի տնօրենի որոշմամբ տալիս է կրթահամալիրում թափուր պաշտոնի մասին հայտարարություն. պաշտոնի նկարագրությունը կրթահամալիրի մասնաժողովի ներկայացմամբ հաստատում է կրթահամալիրի տնօրենը.
- կրթահամալիրում աշխատանքի ընդունվածներին հանում է մասնագետների բանկից.
- ստուգում, ընդունում է կրթահամալիրում աշխատանքի անցնողի փաստաթղթերը.
- կազմում, կրթահամալիրի տնօրենի հաստատմանն է ներկայացնում աշխատանքային պայմանագիրը, դրանում կատարվող փոփոխությունները.
- սահմանված կարգով վարում է կրթահամալիրի աշխատողների անձնական գործերը.
- համակարգում է կրթահամալիրի աշխատողների անհատական պլանների հաստատումը սահմանված կարգով.
- ժամանակին զգուշացնում է աշխատանքային պայմանագիրը լուծելու մասին.
- կրթահամալիրի տնօրենին է ներկայացնում լուծվող աշխատանքային պայմանագիրը.
- վարում է կրթահամալիրի աշխատակիցների էլեկտրոնային տեղեկատուն։