Սովորողների ուսումնական գործունեության ամփոփում

2019-2020 ուստարի, առաջին շրջան

4-12-րդ դասարանի սովորողներն  իրենց բլոգներում ամփոփում են հաշվետու շրջանում՝ 2019թ. սեպտեմբեր-դեկտեմբերի՝ գործունեության արդյունքները՝ դեկտեմբերի 9-23-ը  հերթով հրապարակելով՝

• տեղեկանք ուսումնառության պայմանագրով պարտավորությունների կատարման մասին (կարող է լրացվել googl հարցման ձևաթղթով, հրապարակվել pdf-ով).
  • հաճախում-բացակայություն-բաց թողած պարապմունքների լրացում սահմանված կարգով.
  • ուսումնական բլոգի վարում. բաժիններ, յուրաքանչյուրում նյութերի առկայություն,
  • ուսումնական պարապմունքներին մասնակցություն սահմանված կարգով. ուշացումներ,
  • մասնակցություն դասարանի, ընտրությամբ գործունեության խմբի ուսումնական ճամփորդություններին.
    ուսումնասիրություն
    լուսաբանում
  • մասնակցություն ուսումնական նախագծերի
    նախագծերի թվարկում
    անհատական աշխատանքը նախագծում
  • մասնակցություն ուսումնական-հասարակական աշխատանքներին.
  • մասնակցություն հիգիենիկ միջվավայրի, գույքի խնամքի աշխատանքներին.
  • մասնակցություն դասարանում, դպրոցում, կրթահամալիրում կազմակերպված տոնի, ծեսի, ստուգատեսի.
  • մասնակցություն ցուցահանդեսի, համերգի, ներկայացման
  • կրթահամալիրի ներքին կարգապահական կանոնների խախտում.
• անհատական ձեռքբերումները ուսումնական առաջին շրջանում.
• ուսումնական յուրաքանչյուր դասընթացներից (այդ թվում՝ ընտրությամբ) իր առաջադիմության ինքնագնահատում.
• ուսումնական շրջանի կազմակերպման վերաբերյալ իր հարցադրումները, առաջարկությունները.
• «Ուսումնական ձմեռ» նախագծով դեկտեմբերի 23-ից հունվարի 7-ը անելիքները՝
  Ամանորի, Սուրբ Ծննդյան անհատական-ընտանեկան նախագիծ
  ընթերցանություն
  ուսումնասիրություն
  ուսումնական այլ աշխատանք
• ուսումնական երկրորդ շրջանում գործունեության նախագիծ՝
  • Հանրակրթական Դիջիթեք, բնագիտատեխնիկական նախագծերի ստուգատեսներին ներկայացվող նյութեր,
  • Հանրակրթական Դիջիթեք, բնագիտատեխնիկական նախագծերի, մարզական, ազգագրական ստուգատեսների կազմակերպման առաջարկներ.
  • իր ընտրած ճամբարային ջոկատը։

1-3-րդ դասարանի սովորողները հարցերին անդրադառնում են անհատական հարցազրույցների միջոցով՝ տեսանյութով, աուդիոնյութով։ 3-րդ դասարանցիներն իրենց հարցազրույցները հրապարակում են իրենց բլոգներում։

Սահմանված կարգով մինչև դեկտեմբերի 23-ը՝

• լրացվում է 5 տարեկանների, 1-3-րդ դասարանցիների աճի բնութագրերը.
• լրացվում են 4-12-րդ դասարանների գնահատման մատյանները՝ ուսումնական գործունեության ցուցանիշները, առանձին դասընթացներից սովորողների գնահատականները, որոնց հիմքում դրվում են սովորողների բլոգները, հաշվետվություն-հրապարակումները։

Միջին մասնագիտական կրթական ծրագրի սովորողները մասնակցում են քննաշրջանի աշխատակարգով որոշված ստուգարքներին, քննություններին, իրենց բլոգներում մինչև դեկտեմբերի 20-ը ներկայացնում են՝

• անհատական ձեռքբերումները ուսումնական առաջին շրջանում.
• ուսումնական շրջանի կազմակերպման վերաբերյալ իր հարցադրումները, առաջարկությունները.
• 2020թ. հունվարի նախագծային գործունեության անհատական պլան։

4-12-րդ դասարանների, քոլեջի սովորողների՝ իրենց բլոգներում ուսումնական գործունեության ամփոփման աշխատանքները համակարգում են դպրոցների կազմակերպիչները։