«Մխիթար Սեբաստացի» կրթահամալիր, 2019թ.
Ամառային ուսումնական դաշտային ճամբարները գործում են կրթահամալիրի Արատեսի դպրական կենտրոնում և Սևանի «Ժայռ» գոտում:
Ճամբարը ունի իր ղեկավարը, որ մշտապես գտնվում է ճամբարում և կազմակերպում է կրթահամալիրի կամ կրթահամալիրին օգտագործման հանձնված գույքի, տեխնիկայի անվտանգ օգտագործումն ու պահպանությունը, ճամբարի ջոկատների ընդունումը, տեղավորումը, կենցաղային պայմանների ապահովումը, ճանապարհումը:
Ջոկատը ճամբար մեկնում է սահմանված ձևի հայտ լրացնելուց հետո՝ կրթահամալիրի տնօրենի հրամանով: Հայտում նշվում են ջոկատի.
- ղեկավարի, բուժպատասխանատուի, խոհարարի, մարզական կազմակերպչի անուն- ազգանունները,
- ջոկատի գործունեության ուղղությունները,
- ջոկատի գործունեության ժամկետը,
- ջոկատի անդամների անհատական կազմը,
- ջոկատի անդամների ապահովվածությունը ճամփորդական անհատական պարագաներով։
Ճամբարի մասնակցի համար ճամփորդական անհատական պարագաներ ունենալը պարտադիր է, այդ թվում՝ քնապարկ, ուսապարկ, ափսե, բաժակ, գդալ, լապտեր:
Ջոկատի ղեկավարը կազմակերպում է իր ջոկատի գործունեությունը՝ ճամբարի օրակարգին համապատասխան: Ղեկավարը.
- կազմակերպում է սննդամթերքի գնումը, օրական ճաշացանկին համապաասխան մթերքի տրամադրումը.
- ընդունում է ջոկատին օգտագործման հանձնված տարածքը, այդ թվում՝ վրանները, զուգարանները, ցնցուղները. անհրաժեշտության դեպքում նշում է թերություններ, որոնք ենթակա են անհապաղ վերացման ճամբարի ղեկավարի կողմից.
- ապահովում է ջոկատի անդամների անվտանգ կենսագործունեությունը.
- կազմակերպում է ջոկատի սնունդը, ճամբարի աշխատակարգով որոշված պարտադիր աշխատանքները, ջոկատի նախասիրած աշխատանքները.
- ապահովում է ջոկատին հանձնված գույքի անվտանգ շահագործումը.
- կազմակերպում է շրջակա միջավայրի մաքրության աշխատանքները, այդ թվում՝ զուգարանների, ցնցուղների, լողափի.
- կազմակերպում է ջոկատի գործունեության լուսաբանումը, այդ թվում՝ ուղիղ եթերներ.
- ջոկատի գործունեության ավարտին ճամբարի ղեկավարին է հանձնում ջոկատին օգտագործված տարածքը, միջոցները.
- հաշվետվություն է ներկայացնում ջոկատի գործունեության մասին:
Բուժսպասարկողը.
- ապահովում է ջոկատի բուժարկղիկում առաջին անհրաժեշտության դեղորայքի և միջոցների առկայությունը.
- հետևում է ճամբարի մասնակիցների առողջական վիճակին, անհրաժեշտության դեպքում ցուցաբերում առաջին բուժօգնություն.
- մասնակցում է օրական ճաշացուցակը կազմելուն և հետևում է խոհարարի աշխատանքին.
- միջնորդում է ջոկատի ղեկավարին՝ հիվանդ մասնակցին որոշ պարապմունքներից ազատելու։
Մարզական կազմակերպիչը վարում է.
- առավոտյան մարզական վարժանքը,
- մարզական խաղեր, մրցույթներ,
- քայլարշավներ,
- լողի պարպմունքներ։