2018-2019 ուստարի
Կրթահամալիրի մասնաժողովի (այսուհետ` մասնաժողով) գործունեությունը որոշվում է «Երևանի «Մխիթար Սեբաստացի» կրթահամալիր» ՊՈԱԿ-ի կանոնադրությամբ (կետ 23, 27, 48)։ Մասնաժողովը ձևավորվում է սահմանված կարգով: Մասնաժողովի անհատական կազմը և աշխատակարգը տնօրենի ներկայացմամբ հաստատում է կրթահամալիրի խորհուրդը (այսուհետ` խորհուրդ): Մասնաժողովը ղեկավարում է կրթահամալիրի փոխտնօրենը:
Մասնաժողովը սահմանված կարգով.
1. քննարկում և կրթահամալիրի կառավարման խորհրդի հաստատմանն է ներկայացնում.
- կրթահամալիրի զարգացման ծրագրերը, պետական աջակցությամբ իրականացվող ծրագրի տարեկան աշխատանքների բովանդակությունը, հաշվետվությունը.
- կրթահամալիրում իրականացվող կրթական ծրագրերը, հետազոտական և մեթոդական աշխատանքների թեմաները, մասնաճյուղերի ուսումնական պլանները.
- ուսուցման կազմակերպման ձևերը, առարկայական ծրագրերը, ուսումնական տարվա ընթացքում օգտագործման երաշխավորված ուսումնական ձեռնարկների ցանկը, սովորողների լրացուցիչ կրթության ծրագրերը.
2. քննարկում և ընդունում է.
- կրթահամալիրային ուսումնական նախագծերը, սովորողների նախասիրությունների զարգացման ստուգատեսների, ստեղծագործական հավաքների ծրագրերը, հաշվետվությունները.
- կրթահամալիրում իրականացվող մասնագիտական վերապատրաստումների ցանկը, բովանդակությունը.
- կրթահամալիրի հրատարակչական պատվերները:
Մասնաժողովն իր աշխատանքները կազմակերպում է նիստերի միջոցով, որոնք գումարվում են ամսական մեկ անգամ՝ ամսվա վերջին երեքշաբթի օրը: Մասնաժողովի նիստի օրակարգը mskh.am-ում հրապարակվում է ամսվա սկզբին, հարցը ներկայացնողին (ներկայացնողներին) որոշում է մասնաժողովի նախագահը։ Քննարկվող փաստաթղթերը (հղումները) հրապարակվում են նիստից երկու շաբաթ առաջ։ Մասնաժողովի նիստը ղեկավարում է մասնաժողովի նախագահը: Նրա բացակայության դեպքում նիստը ղեկավարում է մանկավարժության կենտրոնի ղեկավարը կամ մասնաժողովի ղեկավարի որոշած այլ անդամ:
Մասնաժողովի օրակարգում լրացում կարող է լինել կրթահամալիրի տնօրենի առաջարկությամբ, եթե հարցին վերաբերող փաստաթղթերը պատրաստ են։
Մասնաժողովի արտահերթ նիստ կարող է գումարվել կրթահամալիրի տնօրենի առաջարկով կամ մասնաժողովի անդամների մեկ երրորդի պահանջով:
Մասնաժողովի նիստերը բաց են. դպրոցների, քոլեջի, ուսումնական կենտրոնների ղեկավարների, օրակարգում ընդգրկված հարցը (ծրագիր, նախագիծ, առաջարկություն, հաշվետվություն և այլ) ներկայացնողների մասնակցությունը պարտադիր է։ Նիստին կարող են հրավիրվել այլ մարդիկ։ Մասնաժողովն ունի իր էջը մանկավարժության կենտրոնի բլոգում և mskh.am-ում։
Մասնաժողովի անդամը.
- մասնակցում է մասնաժողովի ամենամսյա նիստերին.
- ժամանակին ծանոթանում է մասնաժողովի նիստին ներկայացվող հարցերին, անում առաջարկություններ, նկատառումներ, դրնաք քննարկում հարցը ներկայացնողի հետ.
- նախապատրաստում և մասնաժողովի նիստին ներկայացնում է իրեն հանձնարարված հարցը.
- մասնաժողովի աշխատանքներին մասնակցելու համար մասնաժողովի անդամը ստանում է լրավճար՝ 10000դրամի չափով:
Մանկավարժության կենտրոն 