«Մխիթար Սեբաստացի» կրթահամալիր
Կազմակերպիչը միջին դպրոցի սովորողների որոշակի խմբի՝ 6-րդ դասարանցիներ, 7-րդ դասարանցիներ, 8-րդ դասարանցիներ, ուսումնական գործը, այդ թվում՝ լրացուցիչ կրթությունը կազմակերպողն է, նրանց մանկավարժ խորհրդատուն և իրավունքների պաշտպանը:
Կազմակերպիչը կարող է մինչև 8 ժամ ուսումնական ծանրաբեռնվածություն ունենալ:
Կազմակերպիչը.
- «Մուտքի ճամբարով» անցած ընդունվող սովորողին և նրա ծնողին ծանոթացնում է կրթահամալիրին, դպրոցի ուսումնական պլանին, դրա պարզաբանումներին և գործող կարգերին.
- մասնակցում է սովորողի անհատական ուսումնական պլանը կազմելուն.
- նոր ընդունվող սովորողի, նրա օրինական ներկայացուցչի (այսուհետ՝ ծնող) հետ քննարկում, լրացնում և հաստատման է ներկայացնում ուսումնառության պայմանագիրը.
- հետևում է, որ սովորողը և նրա ծնողը կատարեն պայմանագրով, կրթահամալիրի ներքին կարգապահական կանոններով որոշված իրենց պարտականությունները.
- ունի մանրամասն տեղեկություն սովորողի մասին, այդ թվում` նաև նրա հատուկ կարիքների.
- անհրաժեշտության դեպքում կարողանում է կապվել սովորողի ծնողի հետ.
- կազմակերպում է սովորողի ծնողի մեդիակրթությունը, ծնողների մասնակցությունը դպրոցի ուսումնական օրացույցով որոշված ստուգատեսներին, միջոցառումներին.
- հետևում է սովորողի ուսումնական, այդ թվում` լրացուցիչ, ինքնակրթության գործունեությանը, բլոգավարությանը.
- հետևում է սովորողի մասնակցությանը մարմնակրթության և սովորողի ընտրությամբ դասընթացներին.
- սովորողների հետ մշակում և իրականացնում է ուսումնական, հասարակական նախագծեր.
- նպաստում է սովորողների ինքնակառավարման, ինքնակասպասարկման աշխատանքին.
- դասավանդողների հետ քննարկում է առանձին սովորողների վարքագծի առանձնահատկությունները, անհրաժեշտության դեպքում լուծումներ առաջարկում.
- կազմակերպում է սովորողների արշավախմբային ճամփորդություններ, ճամբարներ, աջակցում այլ դասավանդողների կողմից դրանց կազմակերպմանը.
- կազմակերպում է ուսումնական գործընթացին վերաբերող փաստաթղթերի նախագծերի քննարկումը սովորողների, նրանց ծնողների հետ
- սովորողին խրախուսման կամ սահմանված կարգով տույժի է ներկայացնում.
- օրինական միջոցներով պաշտպանում է սովորողի իրավունքները և շահերը.
- ըստ անհրաժեշտության մասնակցում է կրթահամալիրի վարչական խորհրդի, մասնաժողովի աշխատանքներին.
- վարում է Դպրոցի կայքում իրեն հատկացված բաժինը, հետևում Դպրոցի դասավանդողների, սովորողների բլոգներին.
- կազմակերպում է սովորողների և դասավանդողների սննդի պայմանները.
- սահմանված կարգով փոփոխություններ է առաջարկում սովորողի ուսումնառության պայմանագրում.
- կատարում է կրթահամալիրի տնօրենի հանձնարարություններ։