Նախագիծ
Աջակից՝ ՀՀ ԿԳՆ
Կազմակերպիչ՝ Երևանի «Մխիթար Սեբաստացի» կրթահամալիր
Պաշտոնական կայք` hakobhakobyan.mskh.am
Ստուգատեսը կազմակերպվում է կրթահամալիրի դպրոցներում, քոլեջում՝ որպես «Դպրոցը բնագիտական-տեխնիկական բաց արհեստանոց» նախագիծ։ Նպատակն է հանրակրթության մեջ բնագիտության, մաթեմատիկայի և ինֆորմատիկայի ուսուցման, սովորողների տեխնիկական ստեղծագործության կազմակերպման հեղինակային փորձի ներկայացում, ամփոփում, խրախուսում, տարածում:
Անվանակարգերը
- Լաբորատոր նոր փորձեր և արդյունքներ
- Նորարարական նախագծեր և մոդելներ
- Իմ ստեղծած գործիքը, հայտնի գործիքի նոր կիրառում
- Ուսուցողական խաղեր` տանը, նախակրթարանում, 1-3-րդ դասարանում
- Ռոբոտներն առօրյայում
- Բնագիտության, մաթեմատիկայի, ինֆորմատիկայի, դասավանդման փորձ (մանկավարժական հոդված)
- Մեթոդական-մանկավարժական թարգմանություն, այլոց փորձի ուսումնասիրություն-ներկայացում
- ՎԵԲ ծրագրավորման լեզուներ
Հունվարի 8-26՝ անհատական, խմբային, դասարանական, դպրոցական, ընտանեկան նախագծերի իրականացում, բաց պարապմունքներ, ներկայացումներ, կլոր սեղաններ, ցուցադրություններ, առաջնություններ, ուսումնական տոնավաճառ, վարպետության դասեր, որ վարում են գիտաշխատողներ, ինժեներներ, ճարտարագետներ արդյունքների հրապարակում, լուսաբանում ուսուցիչների և սովորողների բլոգներում, անհատական կայքերում, mskh.am-ում, այլ սոցցանցերում:
Հունվարի 29—փետրվարի 9-ը՝ ստուգատեսի արդյունքների ցուցադրություն կրթահամալիրի «Հակոբ Հակոբյան» բնագիտության և տեխնիկայի կենտրոնում, արդյունքների բաց գնահատում։
Ստուգատեսի մրցանակը ստեղծագործական ճամբարի ուղեգիրն է։ Հատուկ, խրախուսական, անվանական մրցանակներ հայտարարում և հանձնում են նախաձեռնող անհատները, խմբերը, կազմակերպությունները։
Կրթահամալիրը ապահովում է արտերկրից ներկայացված հայտի և հոդվածի հայերեն թարգմանությունը: Մասնակիցները կօգտվեն կրթահամալիրի կրթափոխանակումների կացարանից: Կրթահամալիրի կրթական բոլոր օբյեկտներում մշտապես գործում է անլար ինտերնետ։
Մանկավարժության կենտրոն 