Դպրոցի կազմակերպիչը (այսուհետ՝ կամակերպիչ) դպրոցի սովորողների որոշակի խմբի (այսուհետ՝ սովորողներ)` դասացուցակով որոշված ուսումնական պարապմունքներից դուրս ժամանակի (այդ թվում` դասամիջոցը) կազմակերպող մանկավարժական աշխատողն է:
Կազմակերպչին դպրոցի ղեկավարի ներկայացմամբ նշանակում է կրթահամալիրի տնօրենը: Կազմակերպչի տարեկան աշխատանքային պլանը` անհատական աշխատաժամանակը, հաստատում է դպրոցի ղեկավարը: Կազմակերպչի ընդմիջումը չի կարող համընկնել դասամիջոցի հետ: Կազմակերպիչը սովորողի մանկավարժ խորհրդատուն է, նրա իրավունքների պաշտպանը: Կազմակերպիչը կարող է շաբաթական մինչև 8 ժամ ուսումնական ծանրաբեռնվածություն ունենալ:
Կազմակերպիչը.
- սովորողին և նրա ծնողին ծանոթացնում է կրթահամալիրին, դպրոցի ուսումնական պլանին, դրա պարզաբանումներին և գործող կարգերին.
- մասնակցում է սովորողի անհատական ուսումնական պլանը կազմելուն՝ ներառյալ լրացուցիչ կրթությունը.
- սովորողի, նրա օրինական ներկայացուցչի (այսուհետ՝ ծնող) հետ քննարկում, լրացնում և դպրոցի ղեկավարի հաստատմանն է ներկայացնում սովորողի ուսումնառության պայմանագիրը և հետևում է, որ սովորողը և նրա ծնողը կատարեն պայմանագրով, կրթահամալիրի ներքին կարգապահական կանոններով որոշված իրենց պարտականությունները.
- ունի մանրամասն տեղեկություն սովորողի մասին, այդ թվում` նաև նրա հատուկ կարիքների.
- դպրոցի ղեկավարին հիմնավորված միջնորդություն է ներկայացնում սովորողի ուսումնական վճարը զեղչելու մասին.
- անհրաժեշտության դեպքում կարողանում է կապվել սովորողի ծնողի հետ.
- կազմակերպում է սովորողի ծնողի մեդիակրթությունը, ծնողների մասնակցությունը դպրոցի ուսումնական օրացույցով որոշված ստուգատեսներին, միջոցառումներին
- հետևում է սովորողի ուսումնական, այդ թվում` լրացուցիչ, ինքնակրթության գործունեությանը, բլոգավարությանը.
- կազմակերպում է սովորողի մասնակցությունը մարմնակրթության և սովորողի ընտրությամբ դասընթացներին.
- սովորողների հետ մշակում և իրականացնում է ուսումնական, հասարակական նախագծեր.
- նպաստում է սովորողների ինքնակառավարման, ինքնակասպասարկաման աշխատանքին.
- դասավանդողների հետ քննարկում է առանձին սովորողների վարքագծի առանձնահատկությունները, անհրաժեշտության դեպքում լուծումներ առաջարկում.
- մասնակցում է սովորողների ճամփորդություններին, ճամբարներին.
- կազմակերպում է ուսումնական գործընթացին վերաբերող փաստաթղթերի նախագծերի քննարկումը սովորողների, նրանց ծնողների հետ.
- դպրոցի ղեկավարի գիտությամբ անց է կացնում ծնողական հավաքներ, սեմինարներ, քննարկումներ.
- դպրոցի ղեկավարին միջնորդություն է ներկայացնում սովորողին խրախուսելու կամ տույժի ենթարկելու մասին.
- օրինական միջոցներով պաշտպանում է սովորողի իրավունքները և շահերը.
- կատարում է դպրոցի ղեկավարի, կրթահամալիրի տնօրենի հանձնարարություններ:
Մանկավարժության կենտրոն 