Սեբաստացիական-ստուգատեսային ավագ շաբաթ՝ նոյեմբերի 22-27

Պայմանավորվածություններ մեր ստեղծած ծեսի՝ «Սեբաստացիների օրեր» կրթահամալիրի տոնի տարիների կարգապահ փորձով ամրագրված։

Առջևում սեբաստացիական-ստուգատեսային ավագ շաբաթն է՝ «Լիսիցյանական շաբաթ» ազգագրական, «Վահան Ասատրյան» ռազմամարզական ստուգատեսներով, մշակութային, քաղաքական գործիչների հետ շարունակվող հանդիպումներով, վարպետության պարապմունքներով, նախաձեռնություններով, նախագծերով, ցուցադրություն-ներկայացում-համերգներով, նորամուտներով, նոյեմբերի 27-ի հարիսայի ծեսով։

Նոյեմբերի 27-ի հարիսայի ծեսը հայտարարված է՝ որպես մեր միասնականության, ստեղծականության, հաշտության ծիսական օր։ Բոլորը՝ աշխատողները, սովորողները, ծնողները, այս ծեսի կազմակերպիչ են… Թթուն դրված է, դրվում է դպրոցում, թե ամեն մեկի տանը, խաղաղության գինին՝ պատրաստված սիրով, սովորողների ձեռքերով, որպես ուսումնական աշխատանք։ Ավագ շաբաթվա կարևոր նախագիծ է, որ իրենց հարիսայի ու թթվի հետ բոլորն ունենան ծեսի ամբողջական փաթեթը՝

  • ծեսի երգ-պարը, դիզայն-տեխնոլոգիան՝ յուրաքանչյուրի բլոգում.
  • «Ծիսական տոն հարիսա» թերթիկը՝ որպես նվեր.
  • ծեսի սեբաստացի գինին, որ ձեռք է բերվում տեղում, թե ցուցասրահ-վաճառքի կայքով, որպես կայքի նորամուտ։

Ծեսի կազմակերպումը՝

  • նոյեմբերի 26-ին.
    դպրոցների, քոլեջի խոհանոցների ճաշացանկում՝ ծիսակական հարիսա ու հյութ, գինու խորհրդանշական ճաշակում. ուրբաթ-համերգ
  • նոյեմբերի 27-ին՝
    • 10։00-10։30՝ սովորողների և ուսուցչական բոլոր երգեցիկ խմբերի ուսումնական ժամերգությունը Սուրբ Երրորդությունում, սեբաստացի  աշխատողների, ծնողների, մեր բարեկամների ու հյուրերի մասնակցությամբ, սեբաստացի ընտանիքների առցանց մասնակցությամբ.
    • 10։30-11։00՝ Սուրբ Երրորդությունից քայլք կրթական պարտեզով դեպի դպրոցներ, քոլեջ ու Ագարակ.
    • 11։00-ից՝ հարիսայի բացօթյա ծես. խաղաղության-միասնության բաժակ բարձրացնենք մեր ստեղծած, խնամած բակերում՝ երգով-պարերգով, առանց բարձրախոսի, աղմուկի, կարևորելով միասին լինելու ուրախությունը, հոգատարությունը միմյանց ու մեր գործի նկատմամբ.
  • սեբաստացի ընտանիքներում։

Մեր օրը ստեղծականության, համայնքային համերաշխության ծես կլինի. դրա համար մեր տարիների կյանքով պատրաստվել ենք։

Աշոտ Բլեյան, Գևորգ Հակոբյան, Սուսան Մարկոսյան

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s