«Ձոն առողջությանը» ստուգատես

Թագավարակը Հայաստանում նորից թափ է հավաքում։ Անցած շաբաթվա ամեն օրը նախորդ շաբաթվա նույն օրից տարբերվում էր ամենաքիչը 54, առավելագույնը 225 նոր հիվանդով։ Իսկ կրթահամալիրի դպրոց-պարտեզների, միջին, ավագ դպրոցների, քոլեջի՝ հաճախող սաների, սովորողների թվերը (անցած շաբաթ՝ օրական միջինը 2821, առավելագույնը՝ 2866) ցույց են տալիս, որ ֆիզիկական միջավայրում միասին լինելը նախընտրում ենք։

Չենք կարող թույլ տալ, որ նորից ծավալվող վարակը վտանգի մեր համատեղ ուսումնական կյանքի անընդհատությունը, միասին սովորելու հրճվանքը, ստեղծագործելու ուրախությունը։ Առաջ բերենք Բլեյանի բաց դպրոցի 2020-ի ոգևորող փորձը՝ սեբաստացիական հակաբացիլ կենցաղով, ուսումնական աշխատանքի կազմակերպմամբ, և «Ձոն» ստուգատեսի մարտ ամիսը հայտարարենք նաև «Ձոն առողջությանը» ստուգատեսի շրջան՝ իր միջավայրով, տեխնոլոգիայով, անհատական հիգիենայով։ Հիշենք, որ յուրաքանչյուրս պատասխանատու է իր անձի ու մյուսների առողջության համար։ Անհրաժեշտ է վերականգնել վերջին շրջանում թուլացրած զգոնությունը։ 

«Ձոն առողջությանը» ստուգատեսի ուղղությունները

  1. Ուսումնական շենքերի, դրանցում կաբինետների, արհեստանոց-արվեստանոց-լաբորատորիաների, սրահների օդափոխություն։
    Եթե պետք է, ավելի տաք հագնվենք, բայց բաց լուսամուտից չվախենանք։
  2. Բացօթյա ուսումնական տարածքների օգտագործում։
    Մաքրենք, կարգի բերենք ուսումնական շենքերի կանաչ տարածքները, ստեղծված զրուցարան-բացօթյա ընթերցարանները, արվեստանոց-արհեստանոցների բակերը, կրթական պարտեզում ուսումնական նպատակներով օգտագործվող տարածքները։ Իրավունքների մեջ մտնող գարունը, արևը հնարավորություն կտան նորից անցնելու ուսումնական աշխատանքի՝ ներսով-դրսով ամբողջական կազմակերպման։  
  3. Թաղամասում, քաղաքում քայլքի, հայրենագիտական ճամփորդության-վերելքի նախագծեր։
  4. Ուսումնական հանդիպումների, հավաքների ժամանակ մասնակիցների թվի սահմանափակում՝ կարևորելով հանդիպմանը պատրաստությունը, մասնակցի բլոգում հավաքի ծրագրով անհրաժեշտ նյութեր, վերաբերմունքի արտահայտություն, հարցեր։ Հանդիպմանը նաև առցանց մասնակցելու հնարավորություն։
  5. Անհատական հիգիենայի միջոցների` դիմակ, ախտահանող հեղուկով սրվակ, թաց և չոր անձեռոցիկ, ընդհանուրի օգտագործման համար ախտահանիչ նյութերի, լվացարանների մոտ օճառի, թղթե սրբիչների, սենյակներում, միջանցքներում ախտահանիչ հեղուկով սրվակների առկայություն, դրանց պատշաճ օգտագործում։
  6. Կրթահամալիր բերող տրանսպորտի համապատասխանությունը ուսումնական միջավայրին ներկայացվող պահանջներին՝ մաքրություն, օդափոխություն, ախտահանում։
  7. Տեղեկությունների գրանցումը, դրանց մատչելիությունը, այդ տեղեկություններից օգտվելու հնարավորություն։

Մեզնից յուրաքանչյուրը՝ աշխատող, թե սովորող պետք է կարգապահ՝

  • հետևի իր մարմնի ջերմաստիճանին, տանից դուրս գալուց առաջ և երեկոյան ջերմաչափում անի. 
  • վատ ինքնազգացողության, նորմայից բարձր ջերմություն ունենալու դեպքում մնա տանը, հետևի բժշկի ցուցումներին.  
  • հետևի օճառով հաճախակի լվացվելու, ձեռքերն ախտահանելու պահանջին. 
  • ամեն օր թաց անձեռոցիկով սրբի անհատական թվային միջոցը, հեռախոսը, սեղանը,  
  • պահպանի ուսումնական փակ տարածքում վարքի կանոնները՝ ձեռքով շփումներից, գրկախառնությունից խուսափում, հազալ-փռշտալիս քիթը, բերանը փակել, դրանից հետո լվացվել և սպիրտով ախտահանել օդը, օդափոխել սենյակը, սրբել մակերևույթները.
  • հիշի չվնասելու պարտականությունը, հիվանդ լինելու կամ տանը հիվանդ ունենալու դեպքում անցնի հեռավար-ընտանեկան-ինքնակրթության ձևով ուսուցման, հեռավար-առցանց աշխատանքի. 
  • հիվանդանալու դեպքում հետևի բժշկի ցուցումներին, հիվանդության ընթացքի, իր փորձում հատուկ դիտարկումների մասին պատմի։

Լինենք կարգապահ-ինքնուրույն-ինքնավար և պատասխանատու-նախաձեռնող-ստեղծական այնպես, որ այս փուլն էլ ներդրում ունենա հեղինակային կրթական ծրագրի զարգացման, նորացման մեջ։

Հարգանքով՝ Աշոտ Բլեյան, Գևորգ Հակոբյան, Սուսան Մարկոսյան

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s