«2020-2021 ուստարի. ընդառաջ». հեղինակային TV

Մանկավարժական աշխատողների հանդիպումներ կրթահամալիրի տնօրենի հետ

Հանդիպումները կազմակերպվում են 8-10 հոգիանոց խմբերով, 2020թ. հունիսի 1-29-ը։ Հանդիպումը բաց է, ընտրված մասնակիցների համար՝ պարտադիր։ Հանդիպման մասնակիցները մանկավարժական աշխատողներ են, որոնք 2020-2021 ուսումնական տարում կրթահամալիրի դպրոցներում, քոլեջում հանրակրթական դասընթաց վարելու, 5 տարեկանների խմբի, 1-3-րդ դասարանի ղեկավարման, 4-12-րդ դասարանների, քոլեջի կազմակերպչի, ուսուցչի օգնականի, երկարացված օրվա կազմակերպչի, սովորողի ընտրությամբ գործունեության, լրացուցիչ կրթություն վարելու հայտ են ներկայացնում։ 

Հանդիպումները նախապատրաստում են մանկարժության լաբորատորիաների ղեկավարները, մանկավարժական այլ աշխատողներ (ցուցակը կցվում է)։ Հանդիպումը վարում է կրթահամալիրի տնօրենը։ Մասնակցում են կրթահամալիրի տնօրենը, փոխտնօրենը, մանկավարժության կենտրոնի ղեկավարը, կրթահամալիրի արհեստակցական կազմակերպության, մանկավարժության լաբորատորիաների, դպրոցների, քոլեջի, ուսումնական կենտրոնների ղեկավարները։

Հանդիպումները լուսաբանվում են մասնակիցների բլոգներում, mskh.am-ում, Դպիր TV-ում, հանդիպման տեսագրությունները հրապարակվում եմ Դպիրի մանկավարժական քննարկումների էջում։

Հանդիպումից մեկ օր առաջ կրթահամալիրի տնօրենին ներկայացվող տեղեկանքները  պատրաստում են՝

1. հանդիպումը նախապատրաստող աշխատողը՝ մանկավարժական աշխատողի 2019-2020 ուստարվա գործունեության գնահատում, այդ թվում՝

• դասընթացի (դասընթացների) ծրագրի
• մեթոդական մշակումների, հոդվածների
• ընտրությամբ գործունեության, լրացուցիչ կրթության, ակումբային նախագծերի
• ստեղծած ուսումնական նյութերի, այդ թվում՝ նաև ֆլեշմոբների առաջադրանքների
• բլոգային հրապարակումների ամսական ցուցանիշներ
• մարտ-մայիսի հրապարակումների՝
  տեսադասերի
  ուսումնական նախագծերի
  ընտանեկան դպրոցի խորհրդատվության
• հունիսյան նախագծեր.

2. դպրոցի ղեկավարը՝ մանկավարժական աշխատողի գործունեության գնահատում, այդ թվում՝

• կրթահամալիրային նախագծերի մասնակցությունը՝ որպես սովորողների խմբի ղեկավար
• կրթահամալիրի, դպրոցի զարգացման ծրագրով աշխատանքների մասնակցությունը
• դպրոցում ինքնասպասարկման, շրջակա միջավայրի խնամքի աշխատանքներին մասնակցությունը անձամբ, սովորողների խմբի հետ
• ուսումնական ճամբարի ջոկատի, ճամբարային նախագծի ղեկավարում
• ուսումնական ճամփորդությունների, կրթական փոխանակումների նախագծերի կազմակերպում։