Ուսումնա-արտադրական արհեստանոցի աշխատակարգ

«Մխիթար Սեբաստացի» կրթահամալիրի ուսումնա-արտադրական արհեստանոցի աշխատակարգ

«Մխիթար Սեբաստացի» կրթահամալիրը (այսուհետ՝ կրթահամալիր) իր կանոնադրական խնդիրները լուծելու համար ստեղծում է ուսումնա-արտադրական արհեստանոցները (այսուհետ՝ արհեստանոց): Արհեստանոցը (այսուհետ՝ արհեստանոց) գործում է կրթահամալիրի քոլեջի (այսուհետ՝ քոլեջ) կազմում։ Արհեստանոցի նպատակն է արտադրության միջոցով ուսուցումը, սովորողների ուսումնական-տեխնոլոգիական, արտադրական հմտությունների զարգացումը, սովորողների համար աշխատելու  (եկամուտ ստեղծելու), աշխատանքի միջոցով դրսևորվելու-ինքնահաստատվելու հնարավորությունը, արհեստանոցի արտադրանքով շուկային (հասարակությանը) կրթական ծրագիր ներկայացնելը, կրթահամալիրի նյութական միջավայրը բարելավելը։ Արհեստանոցի ղեկավարին (այսուհետ՝ ղեկավար) քոլեջի տնօրենի ներկայացմամբ հաստատում է կրթահամալիրի տնօրենը։ Արհեստանոցի աշխատանքային խմբերի անդամներին (այսուհետ՝ աշխատող) և նրանց աշխատանքային գրաֆիկը արհեստանոցի ղեկավարի  ներկայացմամբ հաստատում է քոլեջի տնօրենը։ Արհեստանոցի զարգացման ծրագիրը սահմանված կարգով հաստատում է կրթահամալիրի մասնաժողովը։

Աշխատող են.

  • արհեստանոցի ղեկավարը,
  • արտադրական ուսուցման վարպետը,
  • քոլեջի համապատասխան դասընթաց վարող ուսուցիչը,
  • քոլեջի համապատասխան դասընթաց ընտրած սովորողը,
  • «Տեխնոլոգիա» առարկայի համապատասխան դասընթաց վարող ուսուցիչը,
  • «Տեխնոլոգիա» առարկայի համապատասխան դասընթացի սովորողը,
  • կրթահամալիրի այլ սովորողը՝ որպես իր ուսումնական պարապմունքներից ազատ ժամանակ լրացուցիչ կրթություն ստացող,
  • կրթահամալիրի աշխատողը, որ իր հիմնական աշխատաժամանակից դուրս, գործատուի և արհեստանոցի ղեկավարի համաձայնությամբ աշխատում է արհեստանոցում։

Աշխատողը.

  • պահպանում է աշխատանքի անվտանգության կանոնները.
  • ժամանակին կատարում է հանձնարարությունները.
  • պահպանում է արհեստանոցում մաքրությունը.
  • ղեկավարին անմիջապես տեղեկացնում է արտակարգ պատահարի մասին.
  • խնայողական մոտեցում է ցուցաբերում սարքերին և նյութերին.
  • մասնակցում արհետանոցի արտադրանքի գովազդին և վաճառքին
  • մասնակցում է արհեստանոցի զարգացման ծրագրի ստեղծմանը և իրագործմանը:

Ղեկավարը.

  • կազմում է արհեստանոցի զարգացման ծրագիր և գործնական նախագիծ (բիզնես-պլան)
  • ապահովում է արհեստանոցում կարգուկանոն, հիգիենիկ և անվտանգ միջավայր.
  • պատասխանատու է աշխատողների անվտանգության համար.
  • աշխատանքի միջոցով կազմակերպում է սովորողների ուսումնական-տեխնոլոգիական և արտադրական հմտությունների զարգացումը, անհրաժեշտ գիտելիքների յուրացումը.
  • արտադրական անհրաժեշտությունից ելնելով՝ կազմում և քոլեջի տնօրենին է ներկայացնում սովորողների աշխատանքի գրաֆիկը.
  • սովորողների հետ կազմակերպում է արտադրական աշխատանք՝ ապահովելով ստացված պատվերի ժամանակին և որակով կատարումը.
  • հաշվառում և քոլեջի տնօրենին է ներկայացնում սովորողների անհատական աշխատանքի քանակը և արդյունքը, սահմանված կարգով ներկայացնում արհեստանոցի ամսական հաշվետվություն։

Քոլեջի տնօրենը.

  • կրթահամալիրի տնօրենին ներկայացնում է արհեստանոցին կրթահամալիրի պատվերի առաջարկ.
  • կազմակերպորեն (սովորողների աշխատաժամանակի ռեժիմ, անհրաժեշտության դեպքում՝ դասացուցակի համաձայնեցում, անհրաժեշտ նյութերի ձեռքբերում) աջակցում է արհեստանոցի ղեկավարին ստացած պատվերն իրականացնելու.
  • գրասենյակի միջոցով գրանցում է սովորողների հաճախումը.
  • վերահսկում է արհեստանոցի շաբաթական, ամսական ծախսը և եկամուտը, անհրաժեշտության դեպքում օպերատիվ միջամտում աշխատանքի կազմակերպմանը.վ
  • կրթահամալիրի տնօրենին ներկայացնում է արհեստանոցի աշխատանքի ամսական արդյունքները և աշխատողների վճարման առաջարկ։

Կրթահամալիրի տնօրենը.

  • արհեստանոցին հատկացնում է անհրաժեշտ տարածք, գույք, միջոցներ.
  • հետևում է, որ արհեստանոցում աշխատանքը կազմակերպվի ՀՀ օրենքներին, իրավական ակտերին համապատասխան.
  • ձևակերպում է արհեստանոցին կրթահամալիրի պատվերը.
  • աշխատողներին նշանակում է ամսական աշխատավարձ և սահմանված կարգով՝ լրավճար.
  • արհեստանոցի ծախսերը և արդյունքները ներառում կրթահամալիրի տարեկան ծախսային ծրագրում (նախահաշվում) և հաշվետվության մեջ։

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s